From Collected Poems of Hugh MacDiarmid, edited by W. R. Aitken
THE WATERGAW
Ae weet forenicht i' the yow-trummle
I saw yon antrin thing,
A watergaw wi' its chitterin' licht
Ayont the on-ding;
An' I thocht o' the last wild look ye gied
Afore ye deed!
There was nae reek i' the laverock's hoose
That nicht—an' nane i' mine;
But I hae thocht o' that foolish licht
Ever sin' syne;
An' I think that mebbe at last I ken
What your look meant then.
